ՖԻԴԵ-ի դասակարգման աղյուսակ. Արոնյանը պահպանել է տեղը, Գրիգորյանը շրջանցել է Մելքումյանին

Շախմատի միջազգային ֆեդերացիան (ՖԻԴԵ) հրապարակել է 2020 թվականի մայիսի դասակարգման աղյուսակը։ Հայկական շախմատի առաջատար Լևոն Արոնյանը շարունակում է մնալ 7-րդ տեղում։ Նրա գործակիցը 2773 է:

ՖԻԴԵ-ի առաջատարը դարձյալ աշխարհի չեմպիոն, նորվեգացի Մագնուս Կարլսենն է, որին հաջորդում է ԱՄՆ-ը ներկայացնող Ֆաբիանո Կարուանան: Լավագույն եռյակը եզրափակում է չինացի Դին Լիժենը։

Հայ գրոսմայստեր Կարեն Գրիգորյանը (71-րդ տեղ), որը հաղթող է դարձել փետրվարին Պորտուգալիայում անցկացված միջազգային մրցաշարում, շրջանցել է Հրանտ Մելքումյանին (77-րդ տեղ) և 3-րդն է հայ շախմատիստների ցանկում: Հայաստանի ներկայացուցիչներից 100 լավագույն շախմատիստների թվում են նաև Գաբրիել Սարգսյանը (53-րդ տեղ) և Սերգեյ Մովսեսյանը (99-րդ տեղ): 

Կանանց 100 լավագույնների թվում են Էլինա Դանիելյանը (56-րդ տեղ), Աննա Սարգսյանը (58-րդ տեղ) և Լիլիթ Մկրտչյանը (71-րդ տեղ)։

ՖԻԴԵ, մայիսի դասակարգման աղյուսակ

1․ Մագնուս Կարլսեն (Նորվեգիա) - 2863 վարկանիշ

2․ Ֆաբիանո Կարուանա (ԱՄՆ) - 2835

3․ Դին Լիժեն (Չինաստան) - 2791

4․ Յան Նեպոմնյաշչի (Ռուսաստան) – 2784

5․ Մաքսիմ-Վաշյե Լագրավ (Ֆրանսիա) - 2778

6․ Ալեքսանդր Գրիշչուկ (Ռուսաստան) – 2777

7․ Լևոն Արոնյան (Հայաստան) – 2773 

8․ Ուեսլի Սո (ԱՄՆ) - 2770

9․ Թեյմուր Ռաջաբով – 2765 (Ադրբեջան) – 2765

10․ Անիշ Գիրի (Հոլանդիա) - 2764

53․ Գաբրիել Սարգսյան (Հայաստան) – 2682

71․ Կարեն Գիգորյան (Հայաստան) – 2665

77․ Հրանտ Մելքումյան (Հայաստան) – 2663

99․ Սերգեյ Մովսեսյան (Հայաստան) – 2649